Talde handi baten sendotasuna

Rural Kutxa Taldeak egituratzen duen esparru instituzionalak, eta haren inguruan sortu den enpresa-egiturak, Espainiako banka kooperatiboko talde nagusi gisa berresten du. 29 Rural Kutxak eta beste partaidetzapeko entitate batzuek (Banco Cooperativo Español, S.A., Grupo RGA eta RSI) osatzen dute Espainian bakarra den banku-talde hau, kontinentean aitzindari diren beste talde batzuen ildoei jarraitzen diena (Alemaniako BVR, Frantziako Crédit Agricole edo Austriako RZB, besteak beste).

Era berean, autoritate erregulatzaileek “araugile” deiturikoak babesteko mekanismo instituzionaltzat hartzen den Espainiako banku-talde bakarra da, 2018ko martxoaren 23tik.

Horren ondoriozko sistema banka federatuko eredu bat da, hura osatzen duten Rural Kutxen autonomia zaintzea ahalbidetzen duena, banku-eraginkortasunaren eta enpresa-eraginkortasunaren ezinbesteko betekizunari uko egin beharrik gabe; horrez gain, entitate bakoitzak dimentsioa eta jardueraren eremu geografikoa direla-eta dituen mugak gainditzen ditu ereduak.

Rural Kutxa Taldeak aukeratu duen banka-sistemak bi ezaugarri nagusi hauek ditu: deszentralizazio operatiboa eta subsidiariotasun-printzipioa, independentzia juridikoaren eta kide bakoitzaren erabakitzearen irizpidea oinarri hartuta garatua.
 

Rural Kutxek Taldea sortu izanak aukera ematen die beren bazkide eta bezeroei izaera unibertsaleko produktu- eta zerbitzu-sorta bat, kalitate-maila handikoa, eskaintzeko; espezializatuak eta pertsonalizatuak dira, gainera, Rural Kutxa bakoitzak bere merkatuei buruz, erkidego-mailan nola probintzia- eta toki-mailetan, dituen ezagutza zabalei esker. Taldeko Rural Kutxek, beraz, jarduera-eremu zehatz bat dute beren zeregina modu bereizian, baina ez modu isolatuan, betetzeko, Taldearen barruko lankidetzak eremu zabalagoetara iristeko aukera ematen baitu. Horrela, Rural Kutxa Taldeak bankuek eta aurrezki-kutxek ematen dituzten zerbitzu berdinak eman ditzakete, beren lurralde-eremuarekiko lotura bere horretan mantenduta.
El Rural Kutxa Taldeak partaidetzapeko entitate jakin batzuen laguntza du bere jarduera garatzeko, hala nola Espainiako Rural Kutxen Elkartearena, Banco Cooperativo Español-ena, Rural Servicios Informáticos sozietatearena eta RGA aseguru-konpainiarena.